المهم ...
انا بدوّن ليه ؟.... مش عارف !!
بجد! بس اعتقد ان ده مش حاجه جديده يعني ‘
تلات تربع الناس بتعمل تلات تربع الحاجات و هي مش عارفه بتعملها ليه ... يعني مثلا انا امبارح اتخنقت انا و شريكي خناقة لرب السما ... ليه ؟
اعتقد ان احنا الاتنين مش عارفين‘ يعني انا لما جيت اشتكى لواحد تالت صاحبنا حسيت اني مكسوف و انا بحكيله. بجد‘ كانت حاجه اهيف من انها تتحكي اصلا و على الرغم من كده كانت خناقة عنيفة جدا و ممكن جدا تاثر على مستقبل الشراكه مابينا و ده بالضروره هاياثر على مستقبلي و مستقبله و مستقبل ناس في النص .... طيب ازا كنا بنعمل حاجات بتاثر على مستقبلنا و احنا مش عارفين ليه مستكترين عليا ادوّن و انا مش عارف ليه ؟ يعني هيا جت على دي ؟
اتكلت على الله و اديني بدوّن اهو و سمعني سلام "جايين الدنيا مناعرف ليه" تيررام تيررام تيررام تيرااااا
والله انت لو تقيسها هتلاقي ان تلت تربع الخناقات اللي بتتخناقها بعدها بساعه بتتكسف حتى تفتكرها وممكن تضحك على هيافتك وايه اللي انا قلتو ده :) ده بيحصل معايا كتييييييييييير وياريتك تفضل تدون على طول
ردحذففعلا المشكله ان الواحد بيتخانق و بيكون مقتنع تماما انه هو الصح و انه مبعوث العناية الالهية لاصلاح ما افسده الدهر
ردحذفو هادون طول ما ... طول مابدفع اشتراك النت :)