بالظبط ده احساسي دلوقتي اول ما بدات المدونه ..... هانشر كل افكاري و كتابتي و قصصي اللي الفتها في دماغي و مكلفتش نفسي حتى اني اكتبها وي وي وي
مييت الف حاجه جت في دماغي اولها اني هاصحى الصبح بدري ساعة كل يوم و اكتب شويه في المدونة ..... طبعا مشروع الصحيان بدري ساعة ده صالح لكل فكره و ياما قررته
اصحى ساعة بدري و العب رياضة
اصحى ساعة بدري و اكتب قصص
اصحى ساعة بدري و ادخل على النت ادور على تصميمات و افكار جديده
اصحى ساعة بدري و احط افكار و تصميمات جديده (طبعا ده بعد ما هريت النت بحث و شفت كل الافكار و التصميمات الجديده!!!!!)
و طبعا باين اد ايه المشروع نجح نجاح مبهر !!!!!!
على فكره مشروع الساعة البدري ده مش فكرتي اصلا ‘ يقال و العهدة على الراوي ان جون جريشام John Grisham
(ده كاتب قصص مشهور لو متعرفهوش) هو اللي بدءه‘ بيقولك الراجل الطيب ده كان موظف عادي -تقريبا محامي في بنك التسليف الزراعي فرع امريكا- و في يوم قرر انه يخصص من وقته ساعه كل يوم لكتابة القصص اللي هو بيحبها‘ فضل في الحوار ده تلات سنين لحد مالف اول قصه A Time to Kill و بعدين عدى.
يا ترى لو نجحت المرة دي اني انفذ مشروع الساعة البدري ممكن اعمل حاجة زي الريس جريشام ؟
معرفشي مفيش نتايج مؤكده بس اللي انا متاكد منه دلوقتي اني هاكون نمت ساعه اقل كل يوم.
قال غياث الدين أبو الفتوح عمر بن إبراهيم الخيام (ودا هوعمر الخيام الفيلسوف الشاعر لو متعرفهوش ؛) ) واللى ترجمة بالوزن احمد رامي ( ودا برضو شاعر لو ماتعرفهوش )
ردحذففما أطال النومُ عمرا ولا
****** قصر في الأعمار طول السهرْ
اصحى بدري ياعم براحتك
لاء انا بحب اسهر :)
ردحذفالسهر ده جامد موووت
و هو طلع اسمه كل ده ؟
في الاول هتصحى الساعه بدري دي نشيط ومليان بالافكار وتاني يوم هتطفي المنبه وانت بتقول بكره بئى وانا اقصد في الاول يعني اول يوم يعني هو يوم واحد بس اللي هتصحى فيه ساعه بدري :)
ردحذفو الله انا قد اختلف معاكي يا نها لاني شايف ان الخطوه الاولنيه ممكن تكون الاصعب
ردحذفيعني لو فعلا صحيت و ابدعت و قدمت حاجة جديدة ده بالنسبالي ممكن يكون دافع جيد للاستمرارية ... طبعا مش للابد بس الطاقة الجديدة بتاخد وقتها لحد ماتستنفذ و تحتاج مصدر طاقة جديد
زي مثال بداية تجربتي مع التدوين بدات و البدايه دي شجعتني فترة لا باس بها خصوصا اني وجدت نوع من الاطراء او الاستحسان للفكرة مع المحيطين و لحد ما الموضوع خد وقته و انا في فترة توقف تاني منتظر محفز جديد ... و ربنا يبعت