انفجر عباس فجاءة و قال لصحابه : يا نهار ابيض الواد مدحت ده طلع عيل خ..
بصله مدحت و هو قافش : ايه يعم هو الجوينت اشتغل معاك على حسابي ولا ايه.
عباس قاله لاء يا عم انت بجد طلعت مش راجل و على فكره انا متاكد من الكلام اللي انا بقوله ده. ماهو لما تخون صاحبك يبقى انت خ.. و ستين خ.. كمان.
اتدخل محمد -ده واحد مش مهم في الاحداث- "ايه يا عم عباس انت مالك دخلت في الراجل شمال من غير مناسبة ليه؟"
عباس قاله اصلك متعرفشي يا عم انا عرفت عنه ايه ... انا اكتشفت انه خاين و بيخون صاحبة مع مراته يبقى خ.. ولا لاء؟"
"ايه يعم الكلام ده و انت عرفته منيين بقى." رد محمد اللي بداء يتوتر و حس ان القعده هتقلب غم فجاءة و خصوصا لما لاقا ان مدحت سكت و مش عارف يرد.
"ايوه انا متاكد" اكد عباس و كمل "انا حلمت بيه كذا مره بيعمل كده"
"نعم يا خويا... حلمت بيا" اخيرا رد مدحت
"ايوه حلمت بيك كذا مره و انت عارف اني مكشوف عني الحجاب و و ياما قلتلكم ان اللي متبقي من معجزات النبوه هي الاحلام و الرؤيا و يما جتلي رؤى من دي كتير. بس مكنتش متاكد لحد ما لاقيتك بتطلع الموبيل الجديد ده من جيبك ‘ انا شفتك في الحلم و انت بتاخد موبيل هديه من عشيقتك .... يا راجل تخون كريم اعز صحابك مع مراته... ك. ام دي صحوبيه‘ عيل وسخ. ده الواحد معدشي يأمنلك تدخل بيته. انا هاقول لاميرة مراتي على عمايلك الوسخة دي"
رد مدحت " متبطل هبل بقى يا عباس و تفوق ..كريم ايه و زفت ايه قفل على السيره دي و بطل سطل انا يا عم سايبلكم القعدة انت فصلتني" خرج مدحت و هو مخنوق جدا
... و بيحمد ربنا ان عباس مركزشي كويس في الحلم كان زمانه شاف اميره و هي بتديله الموبيل !!
e ya 3am da bas, we lih is ame7'aby elshteema e 7'ayef mn elrekaba ... heheheheh
ردحذفهو صحيح انت مسمي القصة ديه بعنوان النبي عباس ليه ؟؟
ردحذفطب لو غيرنا كلمة النبي ديه هتقصر في الأحداث ؟؟
بالنسبة للشتايم انا عرف ان الموضه اليومين دول الاباحه ... بتخليك تبان مثقف اكتر لما تشتم بس برضه انا مبحبش اكون ابيح قوي يعني :) كفايه كده عليا اباحه
ردحذفبالنسبة لاسم القصه فده ليه كذا سبب
اول سبب عجيب شويه و هو ان بالنسبة للقصه دي بالذات العنوان اتعمل قبل القصه
يعني القصه اتالفت على العنوان و ده مش عارف صح ولا غلط بس ده اللي حصل.
تاني سبب هو ان العنوان كده مثير اكتر.
تالت سبب هو ان عباس نفسه شايف نفسه نبي او على الاقل شيخ و صاحب نبؤات و روئيا و حركات و هو زي مبان مغفل و مش شيخ ولا حاجه فالعنوان بيؤكد المفارقة بين احساسه بنفسة و واقع الامر.
هو طبعا انا مش مع الاسم خااااالص
ردحذفلا لانى ضد موضة الاباحة والخوض ف الاعراض والتهاون ف الفواحش وقذف المحصنات
لا لا ابدا
حتى لو كنت كتبت " الشيخ عباس" برضو كنت حبقى معترض
الاعتراض حيكون بسبب ان النبى ماهو الا مبعوث او رسول
والاستهزاء برسول الملك او الاعتداء عليه يمثل اعتداء على الملك نفسه!!
:)
انما انا زي ماقلت مش ضد اباحة الفن الحديث
حتى لو انت استعملت ال "F word"
:)
فيت الاستهزاء بالملك ؟
ردحذفالراجل مطلعشي نبي ولا ... بس
هو مطلعشي نبي و هو فاكر نفسه نبي
و بعدين خليكوا ديما كده يا متطرفين حاطين قيود على الفن و الابداع
بس افهم من كلامك "لا لانى ضد موضة الاباحة والخوض ف الاعراض والتهاون ف الفواحش وقذف المحصنات" انك مع الموضه دي ؟:)
ياعنى لازم الاحراج يعنى
ردحذف"لا لانى ضد موضة الاباحة والخوض ف الاعراض والتهاون ف الفواحش وقذف المحصنات"
دي فى علم الفلسفة واللماضه بيقال عليها تفويت وside kick للنقطه دي...
ودا عشان اركز ف نقطه تانيه وهى ان فيه الفاظ معينه عند اطلاقها تعطى المعنى الشائع...
يعنى مثلا كلمة الصلاة فى اللغة هى الدعاء زي ما انت عارف طبعا. لكن دلوقت لما اقول ان ترك الصلاة عمدا من اكبر الكبائر مفهوم ان المقصود ليس الدعاء...
طيب النبى لفظه باطلاقها نفهم انه مرسل من الله لانك حتى لم تستخدم لفظة الرسول ...
لا دا انت استخدمت لفظة ملهاش حل..
و احنا كناس عاميين بنزعل اوى لما حد بيجيب سيرتهم بشكل ... اممممم مفهوش الاحترام المناسب ولا الهاله الل المفروض توضع عليهم...
طبعا الزعل دا درجات
الناس اللى قاعدين ف الوكر على طول بيطلعو الكارت الاحمر
الناس اللى زيي اللى اختلطوا بالشباب الروشة بيفهمو ان الحكايه كلها نوع من حبشتكنات الرواشة اللى بتبين انك روش و بدوس ع الخط الاحمر برجليك الاتنين :)
وياجماعة حافظوا على شعورنا نحن العامه اللذين لم نقرأ لفولتير و امثاله...
زي ما فيه ناس مش بتقول للراقصه: يارقاصه فى وشها وبتقول لها يا فنانه
يلاش تقولوا على عم عباس اللى رافع الاريال نبى
قول "القرنى " عباس
حلو الكلام يا عبد السلام؟؟
وياجماعة اللى عايز يجيب سيرة حد يجيب سيرة ابليس
ردحذفعادي ممكن تنكت عليه
احنا مش حنزعل عليه
زي الكابتن سلامه لما قال ف ابليس موال:
http://www.youtube.com/watch?v=vh8qFVFnfVw
بتسمع علي سلامه !!!
ردحذفده انت مودرن مووووز
و تلاقيك بتسمع وجيه عزيز كمان
بالنسبة لوجهة نظرك هي تحترم بس من وجهة نظري اني انا بعمل هنوان صادم يجذب الناس علشان يقروا نقض بسيط لناس كتيييير عامله فيها زي عباس
تشكر يا لورد :) على احترام وجهة نظرى وان كنت غير مقتنع بيها....
ردحذفوهو ما يذكرنى باحترام الحكومة لحق الناس ف الاعتراض ثم لا تحرك ساكننا :)
اما وجيه عزيز فانا بحثت ع النت وطلع انه "سنجر" و انا والحمد لله من ساعة ما بطلت عبد الحليم ما سمعتش اى سنجر تانى
اما عن العنوان فقد قال الفقيه "الضرورات تبيح المحذورات"
وهذه الحاله من اكبر الحالات الى موش ضرورات
هذا والله اعلم :)
يا احمد الرجل مش نبي و ده واضح اني بسخر من ادعاءته الكاذبة و بقول اني مش نبي ... بالمناسبة النبي هو ما ارتفع من الارض فافل يعني مقيش محظورات هنا يا ابو الافكار
ردحذف"طيب النبى لفظه باطلاقها نفهم انه مرسل من الله لانك حتى لم تستخدم لفظة الرسول ..." طيب مانت لما هاتقرا القصه هتفهم انه لا نبي ولا دياولوا يعني المعنى واضح اني مبقولشي عليه نبي ....و بعدين عايزيني اسمي القصة ايه .. حكاية عباس ؟ عملها احمد مطر قبلي يعني ممكن يترفع عليا قضيه و اتشحطط في المحاكم ... فابكده تكونت ضرورة اني ماتشحططشي في المحاكم
باشا :)
ردحذفانت اتعصبت ليه؟؟ :))
احب اعرفك حاجه ... اذا كنت ناوى تستمر فى جذب الانتباه فيجب ان تتمرس على الناس اللى لما انتباههم ينجذب لشئ مش بيفك بسهوله :))
يعنى انت كنت ناجح فى جذب انتباهى بالعنوان دا وهو شئ كنت تريدة!!
فوجب عليك احتمال "العالم اللى انتباههم لزقه بغراء" :))
وبعدين لو انا كنت كتبت قصه عنوانها
"فولتير الكافر"
اكيد كانت حتجذب انتباهك وتقراءها و يمكن ماتسبنيش الا لما تفنعنى اغير العنوان او ع الاقل تقنعنى ان فولتير ابن حلال مصفى...
وانا نقاشي معاك مش هل عباس نبى ولا غبى
انا نقاشي حول ابتذال الفاظ لها قدسيه لهدف "جذب الانتباه"
وبعدين ماله العنوان "عم عباس القرنى "
او عباس رافع الاريال :)
او "الغبى عباس"
وكلها اسماء genuine ومحدش حيرفع عليك قضايا ؛)
وبرضو خلى بالك طويل لان السلفيين الوهابيين لما بيكونوا فى نفس الموقف مش بيتخنقوا بسهوله...
والشاعر قال:
الليبراليه مش هز كتاف :)
ولا ايه يابو النور ;)
انت ليه و صلك انطباع اني زهقان او متعصب ؟ انا ابدا مش كده بالعكس بالعكس بالعكس -على وزن برهابس برهابس برهابس عارفها ولا كنت تطرفت اياميها-
ردحذفانا شامم ريحة انك بتحاول تبرز الليبراليين المسالمين امثالي في صورة انهم لا يطبقون المنهج الليبرالي الا على انفسهم و هم اول من لا يحتملون الانتقاد لكن الشكر لمنهج النقد الموضوعي الليبرالي اللي خلاني التفت لهذا الفخ و انا هافضل وراك لحد ماخليك تتليبر
نرجع لعناوينك ال"جينوين" بص يا سيدي هما زي الفل بس مش بيخدموا العمل الدرامي
بمعنى
انت في الول بتقا النبي عباس العنوان نفسه غير ان بيجذب الانتباه الا وهو ما فيه من طرافة نبي مع عباس بعد كده و انت بتفرا بتصدم ان عباس ده راجل الامونيا -ده على اساس ان الناس معادن- و بيشتم و بيحشش ... بس على الرغم من كده فاكر نفسه عم الشيخ اللي وارث من الانبيا الرؤيا -بذمتك مش بيفكرك بكل الاونطجية اللي بيسرقوا مال النبي و هما عاملينلك فيها عم العلم و الايمان- و بيستغل كده في انه يهاجم و يشوط في اصحابه و هو من جواه خربان اصلا.
ياباشا انت برضو حترجع تانى تبين لى مميزات و مبررات العنوان!!
ردحذفواضح انى لازم اسألك السؤال ده:
الى اي مدى حرية الكاتب يجب ان تترك؟
هل هى الحرية المطلقه ؟؟ ام انه لابد من حدود؟؟
يعنى هل تؤمن بحرية الكفر (وليس الفكر) ولا لأ؟؟
انا حاسس اني مش فاهم سؤالك
ردحذفبس بو السؤال زي مانا فاهم هل انا اؤمن بحرية الكفر هاقولك اكيد
"من شاء فليؤمن و من شاء فليكفر"
مافيش اوصح من كده ؟
حلو الرد المختصر دا:)
ردحذفالاية دى فى سورة الكهف :" فمن شاء فليؤمن و من شاء فليكفر إنا أعتدنا للظالمين نارا أحاط بهم سرادقها "
هذه الآية ليس معناها أيها الناس إن شئتم ءامنوا و إن شئتم فاكفروا فلكم ذلك و ما عليكم حرج إن ءامنتم و إن كفرتم , هذا ليس معناها أنه رخصة لكم , ليست رخصة لمن شاء أن يؤمن ان يؤمن و لمن شاء أن يكفر أن يكفر , إنما معناه تهديد و توعّد لأنه أتبعه بقوله " إنا اعتدنا للظالمين "
وشوف اعد ايه: " نارا أحاط بهم سرادقها "
معناه : من ءامن منكم فلنفسه أي ينفع نفسه , و من كفر فإنا اعتدنا للظالمين أي للكافرين نارا أي هيأنا لهم نارا أحاط بهم سرادقها معناه أنهم محفوفون في جهنم من جميع الجهات . جهنم لها أرض مستقلة غير أرضنا هذه و غير الأرض السابعة و لها جدران حتى يقوى الحر عليهم , و لها سقف حتى يزداد الحر فيها قوة .
يعنى الايه مش معناها انتو احرار و كلكو حلوين
لأ
دا الكافر وقعته سودا وعند هذه النقطه تنتهى الحريه...
يعنى ربنا اللى هو العدل (وطبعا متفقين على دي) لغى حريه الكفر.
اوكيه :)
لاء ربنا اعطى حرية الكفر لمن يشاء و اعطى لنفسه الحق في عقاب اللي يعمل كده :)
ردحذفطب ازاي تبقى حرية؟
ردحذفاذا كان هو سبحانة توعد بالعذاب الشديد فى الاخرة
وفى الدنيا:
كما في سورة طه: ((وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى *))[124]
وكمان مطلوب مننا كمؤمنين اننا مانسيبش الكفار في حالهم:)
يعنى نجاهدهم باللسان وبالدعوة واظهار الحق ونشر العلم بكتاب الله وسنة نبيه
وقد يصل الى الجهاد بالنفس والسلاح حسب مقتضيات الحال!
يعنى م الاخر محدش حر يكفر لا فى الدنيا ولا فى الأخرة لانه لو اختار الكفر احنا مش حنسيبه فى حاله وذلك لاننا نتعبد لله بنشر دينه و حرب الكفر والالحاد بانواعة :)
ودا برضو يرجع بينا الى حديث السفينة:)
لكم دينكم و لي دين ؟
ردحذففلي بقى برضه مافيش حريه هنا ؟
عموما
خلينا نسلم ان الكفر مش حريه ؟
فين الظابظ ؟
يعني ايه علاقة ده بالموضوع ؟ يعني انت عايز تقول ان الكاتب له حدود بدليل ان مش حر يكفر ؟
ده غريب قوي ؟ لو هو كافر اصلا هاتعمل فيه ايه ؟ هاتقله لاء كتباتك لازم تكون عن عذاب القبر و الحور العين ؟
....
ملحوظة: لاحظ اني بدات استخدم مفردات العلمانيين في الهجوم على الرجعيين ... بحب كده قوي الموضوع بيقلب صفسطه اخر حاجه :)